شہر میں تجاوزات کے باعث ٹریفک جام کی شکایت عام

مالیگاؤں/مالیگاؤں میں ناجائز تجاوزات اور غیر قانونی پارکنگ کی وجہ سے شہر کے داخلی راستوں پر ٹریفک جام کی شکایت عام ہوچکی ہے۔ یہ حادثات کا گڑھ بن گیا ہے۔شہید عبدالحمید روڈ پر حال ہی میں پیش آنے والے خوفناک حادثے نے اسے منظر عام پر لایا ہے۔ شہریوں کا الزام ہے کہ اس سڑک پر بڑھتی ہوئی تجاوزات، غیر محفوظ پارکنگ اور بے ہنگم ہیوی ٹریفک ، ہیوی لوڈ گاڑیوں کی آمدورفت اس کی وجوہات ہیں۔ جتیندر شیورام اہیرے اور ایک ابھرتے ہوئے وکیل کی موت اس وقت ہوئی جب گذشتہ جمعہ کو سڑک پر ایک بھاری ٹریلر نے ان کی موٹر سائیکل کو ٹکر مار دی۔ بھاری گاڑی نے اس کی جان لے لی اور کسمبا روڈ پر تجاوزات، گڑھے اور بھاری ٹریفک کا مسئلہ پھر سے منظر عام پر آگیا۔ حادثے کے بعد علاقہ کے مکینوں نے وکلاءتنظیم کے ساتھ مل کر احتجاج کیا اور انتظامیہ کے سامنے اس مسئلہ کی فوری نشاندہی کی۔ مرکزی حکومت نے ملک بھر میں زیادہ تر اہم سڑکوں کے کام مکمل کر لیے ہیں۔ اس اسکیم کے تحت، مالیگاو¿ں-کسمبا سڑک کو کانکریٹ کیا گیا اور اسے چوڑا کیا گیا، اور اسے ریاست گجرات کے ساتھ ساتھ شہادا، نندوربار، ڈونڈائیچا،جانے والی سڑکوں سے منسلک ہے۔ چونکہ یہ نندوربار، ڈونڈائیچا، شہادہ سے ممبئی، ناسک تک گاڑیوں کے لیے قریب ترین راستہ ہے، اس لیے اس علاقے سے تمام گاڑیاں دن رات اس سڑک پر چلتی ہیں۔ متبادل کے طور پر، پچھلے چار سالوں سے،سڑک کو بہت وسیع کیا گیا ہے۔ اس روٹ پر کم ٹول بوتھوں سے گاڑیوں کے مالکان کو بھی فائدہ ہوتا ہے، اس لیے اس سڑک کو بڑے پیمانے پر استعمال کیا جاتا ہے۔ چوڑا اور کنکریٹنگ کی وجہ سے یہ راستہ تمام گاڑیوں کے لیے آسان ہو گیا ہے اور سڑک پر تمام گاڑیاں آرام دہ رفتار سے چل رہی ہیں۔جس وقت یہ سڑک منظور ہوئی تھی، میونسپل کارپوریشن کی حدود میں توسیع نہیں کی گئی تھی۔ اس لیے میونسپل کارپوریشن کی حدود تک منظور شدہ سڑک کو متعلقہ ٹھیکیدار نے صرف دیانا گاو¿ں تک ہی مکمل کیا۔ اس لیے یہ میونسپل کارپوریشن کی حدود میں پہلے کی طرح تنگ ہے اور اسی تنگ راستے پر ڈرائیوروں کو سختی سے کام کرنا پڑتا ہے۔ اس کے علاوہ دیانا گاو¿ں سے پہلے دیانا سے کریم ناکہ تک سڑک کی حالت انتہائی خراب ہے۔ جگہ جگہ بڑے بڑے گڑھوں کی وجہ سے اس علاقے میں حادثات کی تعداد میں روز بروز اضافہ ہوتا جا رہا ہے۔ میونسپل انتظامیہ تجاوزات ہٹانے کا ڈرامہ کررہی ہے۔ تجاوزات ہٹانے کے بعد اگلے روز ایسا لگتا ہے کہ دوبارہ تجاوزات اسی رفتار سے یا اس سے زیادہ دیکھنے کو ملتی ہیں۔وکلاءاور عہدیداروں نے سب ڈویژنل پولیس آفیسر درشن دوگڈ سے ملاقات کی۔ انہوں نے ایک میمورنڈم پیش کرتے ہوئے مطالبہ کیا ہے کہ اس وقت اس علاقے میں چلنے والی بھاری گاڑیوں کی آمدورفت بند کی جائے۔ علاقہ کے ساکنین نے جائے حادثہ پر شیخ شفیق اینٹی کرپشن کی قیادت میں احتجاجی مظاہرہ بھی کیا اور اس سڑک کی خستہ حالی اور تجاوزات کے حوالے سے انتظامیہ کو یادداشت پیش کی اور اس میں ٹریفک جام، مسلسل تاخیر وغیرہ کے مسائل پر سوالات اٹھائے گئے ہیں۔