مالیگاوں/19جولائی۔ ملک کے اعلیٰ میڈیکل کالجوں میں داخلے کے لیے منعقد ہونے والے NEET UG امتحان کی کاونسلنگ کا عمل شروع ہونے والا ہے۔ میڈیکل کونسل کمیٹی کی جانب سے جاری کردہ نوٹیفکیشن کے مطابق کونسلنگ کے پہلے دور کےلئے 20 جولائی سے رجسٹریشن کرائی جا سکتی ہے۔ ادھر میڈیکل کے طلباءکےلئے بڑی خوشخبری سامنے آئی ہے۔ مہاراشٹر حکومت نے ریاست میں 9 میڈیکل کالجوں کو منظوری دی ہے۔مہاراشٹر میں نئے میڈیکل کالج کھلنے سے ایم بی بی ایس کورس کی سیٹیں بھی بڑھنے والی ہیں۔ نئے کالجز کی منظوری کے بعد ایم بی بی ایس کی 900 سیٹیں بڑھ جائیں گی۔ اب مہاراشٹر میں میڈیکل کالجوں کی تعداد بڑھ کر 32 ہو جائے گی۔ بتادیں کہ مہاراشٹر میں گذشتہ سال کے بجٹ میں 12 نئے میڈیکل کالجوں کو منظوری دی گئی تھی۔میڈیا رپورٹس کے مطابق مہاراشٹر کے گڈچرولی، بھنڈارا، بلڈھانا، واشیم، وردھا، امراوتی، جالنہ، تھانے اور پالگھر اضلاع میں میڈیکل کالج قائم ہونے جا رہے ہیں۔ نئے کالجوں کے قیام کے بارے میں ریاستی حکومت کی طرف سے حکومتی قرارداد (GR) کی گئی ہے۔ اس میں کہا گیا ہے کہ نئے میڈیکل کالج کھلنے کے بعد ریاست میں ایم بی بی ایس کی 900 سیٹیں بھی بڑھ جائیں گی۔ میڈیکل کالجوں میں داخلے کے لیے NEET امتحان کے انعقاد اور نتائج جاری کرنے کا عمل نیشنل ٹیسٹنگ ایجنسی نے مکمل کیا ہے۔ جبکہ کونسلنگ کا عمل میڈیکل کونسل کمیٹی یعنی ایم سی سی کرتی ہے۔ ایم سی سی نے میڈیکل کالج میں داخلے کے لیے کونسلنگ کا شیڈول جاری کر دیا ہے۔آپ 20 جولائی 2023ءسے مشاورت کے پہلے دور کے لیے درخواست دے سکتے ہیں۔ رجسٹریشن کے لیے 25 جولائی تک کا وقت ہے۔ راو¿نڈ 1 کے لیے سیٹ الاٹمنٹ کا نتیجہ 29 جولائی 2023 کو جاری کیا جائے گا۔ جبکہ دستاویزات اپ لوڈ کرنے کی تاریخ 30 جولائی 2023 ہے۔ شیڈول چیک کرنے کے لیے، انہیں آفیشل ویب سائٹ mcc.nic.in پر جانا ہوگا۔
Post Views: 130
پوسٹ کو اپنے احباب میں شیئر کریں
