راجستھان دھماکہ کیس میں مفرور دو دہشت گرد پونہ سے گرفتار۔ ایک بدمعاش پٹرولنگ ٹیم کو چکمہ دے کر فرار

پونہ/ 20جولائی۔ پولس نے مہاراشٹر میں دو خطرناک دہشت گردوں کو گرفتار کیا ہے۔ تاہم ایک دہشت گرد پولیس ٹیم کو چکمہ دے کر فرار ہونے میں کامیاب ہوگیا۔ ان دونوں دہشت گردوں کی شناخت عمران خان اور محمد یونس ساکی کے نام سے ہوئی ہے۔ یہ دونوں راجستھان دھماکہ کیس کے ملزم ہیں اور کیس کی جانچ کر رہی این آئی اے نے ان کے خلاف پانچ لاکھ روپے کے انعام کا اعلان کیا ہے۔ ان دونوں دہشت گردوں کو پونے کے کوتھروڈ میں ناکہ بندی کے دوران گرفتار کیا گیا تھا۔فی الحال پولیس ان دونوں سے پوچھ گچھ کر رہی ہے۔ پونے پولیس کے مطابق انہیں جلد ہی عدالت میں پیش کیا جائے گا۔ نے بتایا کہ 18 جولائی کی رات تقریباً 3.45 بجے پونے پولس کی گشتی ٹیم گشت پر نکلی تھی۔ اس دوران پولیس نے شک کی بنیاد پر تین افراد کو گھیرے میں لے لیا تاہم ایک شخص فرار ہونے میں کامیاب ہوگیا۔ اسی دوران پولیس نے حراست میں لیے گئے دونوں گرفتار افراد سے پوچھ گچھ کی۔ اس کے کہنے پر ان کے ٹھکانوں کی تلاشی لی گئی۔اس دوران پولیس نے ایک پستول کے علاوہ ایک لیپ ٹاپ اور چار موبائل فون برآمد کئے ہیں۔ پونے پولیس نے ملزم کی شناخت کے بعد فوری طور پر اے ٹی ایس اور این آئی اے کو اطلاع دی۔ پونے پولیس کے مطابق دونوں ملزمان کو ضروری پوچھ گچھ کے بعد عدالت میں پیش کیا جائے گا۔ اس کے ساتھ ہی مفرور ملزمان کی گرفتاری کے لیے پولیس ٹیمیں تشکیل دے دی گئی ہیں۔ یہ ٹیمیں اس کے ممکنہ ٹھکانے پر چھاپے مار رہی ہیں۔ پولیس کے مطابق یہ دہشت گرد مدھیہ پردیش میں این آئی اے کے ذریعہ درج دہشت گردی کے ایک واقعہ میں بھی مطلوب ہیں۔ پولیس کے مطابق گرفتاری کے وقت یہ تینوں دہشت گرد چوری کی موٹر سائیکل پر سوار تھے۔ پولیس کمشنر پونے رتیش کمار نے بتایا کہ یہ دونوں دہشت گرد مدھیہ پردیش کے رتلام ضلع کے رہنے والے ہیں۔