مالیگاؤں/۲۵دسمبر۔ پولس نے رات کے وقت گھروں میں گھس کر چوری کرنے والے مجرموں کو گرفتار کرنے میں کامیابی حاصل کی ہے۔ دونوں مجرموں سے مسروقہ رقم اور قیمتی سامان برآمد کر کے دونوں کو گرفتار کر لیا گیا ہے۔ اس کامیابی سے مالیگاؤں میں چوری کی مزید کچھ وارداتوں کا پردہ فاش ہونے کا امکان پیدا ہوگیا ہے۔شہر کے علاقے آزاد نگر میں رات کے وقت چوری کی وارداتوں میں اضافے سے شہریوں میں خوف وہراس پھیل گیا ہے۔ پولیس اس سلسلے میں درج مقدمات کی تفتیش کر رہی تھی۔ آزاد نگر پولس اسٹیشن میں درج چوری کے ایک کیس میں موصول ہونے والی تکنیکی تجزیہ اور انٹیلی جنس کی بنیاد پر محمد فیض محمد صادق (عمر 30، ساکن حسن پورہ نورنگ کالونی، پوار واڑی، مالیگاؤں اور کلیم منصور احمد عرف کلیم نانا (عمر 50 سال، بیگم محمود پوارواڑی مالیگاؤں)ان دونوں کے نام سامنے آئے۔تفتیشی ٹیم نے دونوں کو حراست میں لے کر پوچھ گچھ کی تو انہوں نے شروع میں مبہم جوابات دیئے۔ تاہم مکمل تفتیش کے بعد دونوں غنڈوں نے چوری کا اعتراف کرلیا۔ جرم میں چوری کی گئی رقم میں سے، پولس نے ان غنڈوں سے 4 لاکھ 23 ہزار روپے نقد، ایک ہیرو ہونڈا ٹو وہیلر، ایک موبائل فون اور دیگر قیمتی سامان برآمد کر لیا ہے۔
About the Author
