ممبئی: ممبئی-پونے ہائی وے پر کھنڈالا گھاٹ کے قریب (13 جون، منگل) کو ایک کیمیکل آئل ٹینکر میں آگ لگ گئی ۔ اس آتشزدگی میں 4 افراد ہلاک اور 3 زخمی ہوگئے۔ جس کی وجہ سے گزشتہ ڈھائی گھنٹے سے ٹریفک ٹھپ ہے۔ ممبئی جانے والی سڑک پر 5 کلومیٹر تک گاڑیوں کی لائن لگی ہوئی ہے۔ ممبئی پونے ہائی وے سے گزرنے والے کیمیکل آئل ٹینکر میں آگ لگنے سے کیمیکل بکھر گیا جس کی وجہ سے آگ مزید زور سے بھڑک اٹھی اور پل کے نیچے تک جا پہنچی۔
اس آگ میں جھلسنے سے 4 لوگوں کی موت ہو گئی ہے۔ مرنے والوں کی تعداد میں اضافے کا خدشہ ہے۔ یہ آگ کھنڈالہ گھاٹ کے قریب لگی۔ آئل ٹینکر میں آگ لگنے سے آئل لیک ہو کر پل کے نیچے جا گرا جس کے باعث آگ نے پل کے نیچے موجود تین سے چار گاڑیوں کو اپنی لپیٹ میں لے لیا۔
کیمیکل آئل سے لدا ایک ٹینکر ممبئی پونے ہائی وے پر تیز رفتاری سے جا رہا تھا۔ اس دوران ڈرائیور گاڑی پر سے کنٹرول کھو بیٹھا۔ جس کی وجہ سے ٹینکر پھسل گیا۔ جس کی وجہ سے ٹینکر میں آگ لگ گئی۔ کیمیکل ہونے کی وجہ سے آگ تیزی سے بھڑک اٹھی اور کیمیکل پل کے نیچے بھی پھسلنے لگا۔ کیمیکل پل کے نیچے کام کرنے والے چار افراد پر گرا۔ اس میں وہ جل گئے۔
Post Views: 129
پوسٹ کو اپنے احباب میں شیئر کریں
